كيماويات صناعية

الفورمالين وأضراره وسعره بالسوق وكيفية صناعته الفورمالين

الفورمالين أو الدهيد النمل مركب سام عند تناولة أو إستنشاقه، بيتم إستخدامه كمادة حافظة من التعفن.

حيث يتعفن المنتج من الأدوات الغير معقمة أو من الماء المحتوي على العديد من الباكتريا والفطريات.

المنتج مع حالة التعفن هيفقد صلاحية للإستخدام وبالطبع ستكون رائحته كريهة وغير مرغوب فى استخدامة او شراءة.

بالطبع هناك حلول لحل مشكله التعفن ولكن الأهم هو المخافظة على المنتج من التعفن.

الأسماء العلمية للفورمالين

  • Formaldehyde
  • Methyl aldehyde
  • Methylene glycol
  • Methylene oxide
  • Formalin (aqueous solution)
  • Formol
  • Carbonyl hydride

 

كل الأسماء الي فاتت هي اسماء عليمة للمركب ذو الصيغة الجزئية CH2O

مركب عضوي من فصيلة الألدهيدات وهو غاز عديم اللون في درجة الحرارة العادية، سريع الذوبان في الماء وقابل للاشتعال

لو ركزت ف الجمله الي فاتت هتكون عرفت أن الاساس فى المركب انه غاز مش سائل

بس غاز سريع الذوبان في الماء

انت عرفت ان الاساس فى المركب هو الفورمول او اي اسم من الاسماء الي الي قلناها فى اول الحلقة

لكن الفورمالين هو المحلول المائي من الفورمول يعني غاز عملناله إذابة فى الماء وأصبح فى شكل سائل سهل إستخدامة فى المصانع ومخاطر إشتعالة طبعا أقل من الغازوبيكون اقصي تركيز ليه 40%

وفى الحقيقة غاز الفورمول مبيستخدمش فى الصناعة الا فى صناعات محددة لكن فى صناعة المنظفات والمطهرات الي عوامل الأمان بتكون أقل ما يكون فيها فمش هتلاقي مركب الفورمول لكن طبعا هتلاقي المحلول المائي منه الي هو الفورمالين

الفورمالين هو

مركب شفاف ليه رائحة نفاذة وخانقة ومهيجة للعين والشعب الهوائية وبتتطاير بسرعة

تمت صناعة الفورمالدهيد لأول مرة من قبل ألكسندر بوتليروف سنة 1855 م، ولكن الي اتعرف عليه وعرف تركيبة هوالعالم الألماني آوغست هوفمان  سنة 1867 م،

يعني المركب تم صناعة وفضل 12 سنه الناس متعرفش ده ايه

طبعا مفيش اي استخدام يقدروا يستخدموا فيه المركب المجهول ده

مهم ميعرفوش اي المركب ده يتبع اي مجموعات كيميائية

وايه سلوكه فى الاوساط المختلفة لحد ما العالم الألماني آوغست هوفمان  قدر يحضر المركب ده من تفاعل نزع الهيدروجين للميثانول.

 

تفاعل نزع الهيدروجين او Dehydrogenation reaction

بيتم تعريفه على انه

تفاعل كيميائي يشمل نزع الهيدروجين من الجزئ. وهي عملية معاكسة لعملية الهدرجة. وتجري تلك التفاعلات في كل من المستويين الصناعي والمعملي  كما تحول تلك العملية الدهون المشبعة إلى دهون غير مشبعة, حيث يوجد إنزيمات محفزة لتلك العملية. وتستخدم عملية نزع الهيدروجين على نطاق واسع في البتروكيماويات, وصناعة المنظفات, والزيوت.

عملية Dehydrogenation reaction للميثانول بينتج عنها الفورمالدهيد طبقا للمعادلة

CH3OH → CH2O + H2

 

نقدر كمان نصنع الفورمالدهيد من تفاعل اكسدة الميثانول

الميثانول الصيغة الجزيئة ليه هي CH3OH ولما نعمل عمليه أكسدة ل 2 مول من الميثانول هينتج 2 مول من الفورمالدهيد و 2 ومول من الماء

طبعا عملية الاكسدة بتم فى ظروف معينه وبإستخدام عوامل حفازة للتفاعل

وبكده قدروا انهم يحصلوا على الفورمالدهيد من الميثانول بتفعال الاكسدة للميثانول او بتفاعل نزع الهيدورجين من االميثانول

 

وبالنسبة لإستخدامات الفورمالين

يستعمل في المجال الطبي والبيولوجي لانه بيفقد البكتيريا قدرتها الممرضة فتصبح (موهَنة) تعبانه يعني معندهاش قدرة على احداث المرض وده طبعا  علشان  يجعل جسم الإنسان منيعا  ضد أمراض معينة بعد حقنه للبيكتيريا المسببة المرض في شكلها الغير الممرض.:

من إستخدامتة الشائعة

مطهر : وخاصة في الطب البيطري (و تعقيم أحواض القدم foot baths).

التحنيط: كمادة حافظة للحيوانات النافقة أو للبشر (من أجل التشريح في كليات الطب على سبيل المثال).

لإنتاج البوليمرات والمواد الكيميائية

غالبا ما تستخدم في المواد اللاصقة وصمغ للرموش الأصطناعية أو السجاد

 

السؤال الأهم فى الحلقة

هل الفورمالين مادة مسرطنة

بس للاسف صيغة السؤال كده غلط  لكن السؤال الصح ايه هي الاجراءات الي بيعتبر معاها الفورمالين مسرطن

الفورمالين مسبب قوي لسرطان تجويف الانق والجيوب اذا تم استنشاقة لفترات طويلة وبكميات كبيرة.

وكمان الفورمالين مسبب قوي لتهييج العيين والاغشية المخاطية والي بتسبب التهاب في العين وصداع وصعوبة فى التنفس مع الم فى الحلق

العلماء علموا تجارب فى المعامل على مجموعة من الفئران ولاحظو ان الفئران الي تعرضوا لجرعات عالية من الفورمالين ظهر عندهم سرطان الانف والحنجرة

وفي حبة روابط كده لأخبار تم نشرها على مخاطر الفورمالين وبعض المنتجات الغذاية البي بيدخل فى استخدامها الفورمالين

هتلاقوا الروابط فى وصف الفديو

طيب لو انا شخص بتعامل مع المادة الخطيرة دي بإستمرار ازاي اعرف لو جالي اصابة من الفورمالين

 

يؤثر الفورمالين على جميع أنظمة الأعضاء تقريبًا. طيب ايه الاعراض الي هتظهر عليا ؟

مع استنشاق مستمر لأبخرة فورمالدهايد ، يؤثر هذا في المقام الأول على الجهاز العصبي. تتجلى أعراض التسمم بالفورمالدهيد تدريجياً:

ضعف.

الخمول.

اللامبالاة.

ودايما هتكون قلقان و مش عارف تنام ، كمان هيلاحظ الناس الي حواليك  انك مكتئب ومفيش اي سبب واضح لده

والاتصال المتكرر مع الجلد هيؤدي إلى التهاب الجلد والأظافر.

وممكن فى بعض الحالات يحصل تقشير للجلد من الوجه

الغثيان والقيء.

العرق المستمر

تغيرات درجة الحرارة بدون سبب.

العديد من هذه الأعراض تؤثر على الشخص لسنوات ، ولا أحد يفكر في وجود هذا المركب في الأعضاء.

 

لو حسيت بإي أعراض غريبة عليك على طول اغمر نفسك بالماء الجاري و روح للمستشفي او أقرب طبيب

ودايما الوقاية خير من العلاج

دايما وانت شغال البس ادوات الحماية القفازات وماسك التنفس والبالطو

حاجات بسيطة ومش غالية لكن بنكسل دايما نلبسها

 

الفورمالين بيتم إستخدامة فى صناعة المنظفات بنسب لا تزيد عن 0.2%

يعني 2 جرام لكل لتر

وعادي ممكن تضيفة بعد ما تنتهي من تصنيع المنتج كاملاً مش هيحصل حاجه

 

الفورمالين محظور استخدامة نهائيا فى منتجات البشرة والجسم وده حسب الهيئة المصرية العامة للمواصفات والجودة

يعني الفورمالين ضار وغير مسموح بإستخدامة فى منتجات الشاور جل والهاند سوب والشامبوا ومعطرات الجو

البديل انك تستخدم مواد حافظة زي الميثايل برابين والبروبايل برابين وبنزوات الصوديوم وغيرها الكثير

 

سعر الفورمالين فى السوق المصري حاليا بيتراوح من 10 ل 13 جنية حسب نوع التاجر وانتهازة لجهل المشتري

 

 

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق